जुनी पेन्शन आणि भाजपाचे कंगाल धोरण!

आज सर्व सरकारी कर्मचारी संपावर गेले आहेत. त्याचे कारण म्हणजे सरकारी कर्मचारी जुन्या पेन्शन साठी आग्रही आहेत. 

भाजप सरकार हे सर्वसामान्य जनतेकडे पैसा राहिलाच नाही पाहिजे या मानसिकतेत असते. मग त्यांनी शेतकरी, शेतमजूर, व्यापारी, छोटे व्यावसायिक अशा सर्वांना गेल्या आठ वर्षांत देशोधडीला लावण्याचे कामच केले.


आता त्यांच्या निशाण्यावर सरकारी कर्मचारी आले आहेत. सरकारी कर्मचारी कोण आहेत? 
सरकारी कर्मचारी हि लोकंही सर्वसामान्य घरातूनच पुढे गेलेली आपलीच लोकं आहेत. जुन्या पेन्शन योजनेअंतर्गत त्यांना महागाई भत्ता, निवृत्ती नंतर अर्धा पगार आणि यदाकदाचित मृत्यू झाला तर त्यांच्या कुटुंबीयांना मदत हि आजवर चालत आलेली योजना होती. 

समाजात सर्वच वर्ग देशोधडीला लागले असताना त्यातल्या त्यात ज्यांचं बरं चाललंय असा वर्ग म्हणजे सरकारी कर्मचारी वर्ग. 

आता भाजप सरकारने त्यांनाही देशोधडीला लावायचं मनावर घेतलं आहे. त्यामुळे हि पेन्शन योजना बंद करायचा घाट घातला जात आहे म्हणून सरकारी कर्मचारी संपावर गेले आहेत. 

एका सरकारी कर्मचाऱ्याच्या मागे त्याचे कुटुंबीय असते त्यालाही लेकरेबाळे असतात, सर्व जबाबदारी पार पाडावी लागते. उच्चपदस्थ अधिकाऱ्यांना जेवढा पगार मिळतो तेवढा चतुर्थ श्रेणी कर्मचारी लोकांना मिळतो असा नाही. या लोकांचे निवृत्ती नंतर जगणे पेन्शन मुळे सुसह्य होते मात्र जर जुनी पेन्शन योजना बंद झाली तर ह्या लोकांचे हाल कुत्रा खाणार नाही.

सरकारी कर्मचारी म्हणजे हलकट, पैसेखाऊ, उर्मट अशी प्रतिमा असली तरीही जनतेसाठी अहोरात्र एक रुपयाचा मोबदला न घेता काम करणारे कर्मचारी ही आहेत. मात्र समाज बोटावर मोजण्याइतपत नालायक अधिकाऱ्यांमुळे इतरांनाही त्याच नजरेने बघतो. 

सर्व सरकारी कर्मचारी हे कोण आहेत? हे देखील सामान्य घरातूनच अभ्यास करून कष्ट घेऊन मोठे झालेले आहैत. कोरोनासारख्या महामारीत जीवाची पर्वा न करता लोकसेवेला वाहून घेतलं होतं. कित्येक लोक त्यात जीवानीशी गेलेत. ही सर्व जमेची बाजू एका बाजूला आहे.

आणि दूसऱ्या बाजूला भाजपने माध्यमांच्या मदतीतून त्यांची केलेली बदनामी. अशा कात्रीत ते सापडले आहेत. एक सर्वसामान्य नागरिक म्हणून आज सरकारी कर्मचारी लोकांना आपल्या पाठिंब्याची गरज आहे. 

नाहीतर उद्या अदाणी अंबानी सोडून सगळा देश कंगाल होणारच आहे, त्यात सरकारी अधिकारी कर्मचारी लोकांची तेवढी भर पडेल. आणि भाजप सरकारबद्दल प्रेम असणाऱ्या अधिकाऱ्यांनी आपली पेन्शन योजना सोडून द्यावी. जसं लोक गॅस सबसिडी सोडून देत होते तसं. बाकीच्या लोकांनी लढाई चालू ठेवावी. 

लगेगी आग तो आएंगे घर कई जद में, यहां पे सिर्फ हमारा मकान थोड़ी है ?

सर्वांच्या घराला भाजप आग लावणार आहे, त्यामुळे सरकारी अधिकारी कर्मचारी, पोलिस लोकांनाही विनंती आहे जेव्हा शेतकरी, सर्वसामान्य लोकं आंदोलन करत असतात त्यावर त्यांच्यावर लाठी काठी उचलताना, कायदेशीर अडकविता त्यावेळी हजारदा सहानुभूती ने विचार करा. सरकारं कधीही तुमच्यासाठी येणार नाहीत.

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

ट्रकडायव्हरांचे काय चुकले?

इमेज
भारतातील प्रत्येक व्यक्तीबरोबर ट्रकचा कधी ना कधीतरी संबंध आलेला असतोच.  कोणतीतरी एखादी तरी वस्तू ट्रकमधूनच येते. ट्रकडायवर हा पेशा रिस्की असतो. घरातून पंधरा दिवस महिनाभर तो बाहेर असतो. आणि पगार म्हणाल तर त्याच्या मानाने अत्यल्प असतो.  घरापासून अनेक दिवस बाहेर असतो.  बाकीच्या तुमच्या हाफीसातील ड्युटीवर तुम्ही डुलकी मारू शकता, टंगळमंगळ करू शकता पण ड्रायवर हा पेशा असा आहे की तिथं सेकंदाच्या शंभराव्या भागाला सुद्धा अलर्ट राहावं लागतं.  अपघात हे अपघात असतात. जाणूनबुजून कुणालाही कुणी मारायचं धाडस करत नाही. नजरचुकीने अपघात घडतात त्याला पुर्वी दोन वर्षे शिक्षा होती.  आता अमितभाईंनी ती शिक्षा १० वर्षांवर नेली. मूळात अशी काही जरूरत नव्हती. ट्रकडायवर होणे हीच तशी एक मोठी शिक्षा आहे. त्यावर अमितभाईंनी आणलेला कायदा म्हणजे नरकात जन्माला एखादा जाणार असेल तर तो भारतात ट्रकडायवर होईल अशी परिस्थिती करून ठेवली आहे. ट्रकचा अपघात झाला की, पुढे असणारा वाहनधारक शक्यतो वाचत नाही तो मरतोच. मात्र अशावेळी मॉब असा काही खवळतो की ट्रकडायवरचा जीव घेऊनच तो शांत होतो.  त्यामुळे डायवरला तिथून पळून जाण्याशिवाय काही पर्य
अधिक वाचा

भाजपची उलटी गणती वेगाने सुरू झालेली आहे.

इमेज
राहूल गांधीची काल फ्रान्स मध्ये एका विद्यापीठात मुलाखत झाली. त्यात तो थेट चायनावर निशाणा साधतो आहे. त्यांच्याकडे असणारी हुकूमशाही आणि म्हणून असणारी कामगारांची पिळवणूक हे मुद्दे त्याने मांडले. चायना को लाल आँखे दिखाना चाहीए वाले मोदीजी चीन भारतावर अतिक्रमण करत असताना चुपचाप बसले आहेत हे अख्खा देश उघड्या डोळ्यांनी पाहत आहे. तिथं राहूलने आता आंतरराष्ट्रीय पातळीवर हे मुद्दे मांडले आहेत. जगभरातील पत्रकार जी २० परिषदेसाठी आले आहेत. देशात घेत नाहीत ते ठीक पण इतर देशांच्या पत्रकारांशी मोदींना बोलता आलं असतं पण तिथंही त्यांनी ५६ इंची छाती दाखवली नाही ती पत्रकार परिषद टाळली.  हे झालं मोदी राहूलचं. आता देशातलं वातावरण पाहीलं तर जवान चित्रपट जोरदार हिट होत आहे. त्यात शाहरूख खानने कुणाविरूद्ध काय आवाज उठवला आहे हे चांगलंच सर्वांना माहीत आहे. शाहरुख खानची जवान वरून वाहवा होत आहे. देशभरात सिनेमा हाऊस फुल्ल आहे. पण त्यातील संदेश ही तरूण वर्ग गांभीर्याने घेत आहे हे महत्त्वाचं. शाहरुख खान ने मतदानाविषयी केलेलं भाष्य लोकांच्या दीर्घकाळ स्मृतीत राहणारं आहे.  देशभरात भाजपाविरोधी लाट मोठ्या प्रमाणात दिसून य
अधिक वाचा

पावसाचं आवाज कसा येतं

पाऊस पडालाय. पावसाचं आवाज कसा येतंय. च्किठच्कप्च असं मेणकागदावर पडल्यावर येतंय. मातीत पडलं की सूरवातीला आवाज येत नही, नंतर येतो. माती ही पोरांच्या डोक्यासारखी असते, पोरांचे डोके जास्त भिजते पोरींचं डोकं कमी. कमी डोकं म्हणजे कमी भिजतंय. कारण पोरींचे डोस्के नाही, केस लांबडे असतात, ऊतार असल्याने पाणी घसरून जातंय. पावूस डोक्यात जात नाही. आता वेणीतल्या एखाद्या केसाचे मूळ शोधणे हे कठीण काम. नवीन- ऋषीचे कूळ आणि वेणीतल्या केसाचे मूळ शोधू नये.  ऊसाच्या पाल्यासारखे मोकळे केस सोडणार्या  पोरी भारी दिसतात. व्हरायटी फक्त 86032सारखी पाहीजे. पोरींचा विचार करायला नको. पावसाचा आवाज. पावसाच्या ठेंबाचा आवाज. पिच्चरात दाखवतात तसं नसतं. पावसाची आई म्हणजे समूद्र, पावसाचा बाप म्हणजे सूर्य. पावसाची बहीण नदी, पावसाचा भाऊ वढा. असं यांच कुटूंब. ढग म्हणजे गर्भाशय. पाऊस नोकरीला शेतात जातो, बादगड संगतीने गटारीत जातो, संस्कार चांगले असतील तर गाय पावसाचे पाणी पिते. हे म्हणजे पुण्याई, गोमूत्र म्हणजे सुवर्णस्वर्ग. पावसाची आई बा काढायला नको. पावसाचा आवाज. पाऊस पाण्यात पडला की टुब्बुक अस आवाज येतंय. मग भाकर्या ऊठत जातात.
अधिक वाचा