'न ठरवता' झालेला दणणीत विजय !

२०१९ च्या लोकसभेला पराभव, २०१९च्या विधानसभा निवडणूकीत पराभव, 2021  मध्ये झालेल्या गोकुळच्या निवडणुकीत पराभव, त्यानंतर विधानपरिषदेच्या निवडणूकीतून माघार.

अशा सलग पराभवांच्या मालिकेने कोल्हापूर जिल्ह्यातील महाडिक गट शांत झाला होता.
 एक निराशा त्यांच्यात दाटली होती. 

सांगली, सोलापूर जिल्ह्यात जरी त्यांच्या गटाचा प्रभाव असला तरी कोल्हापूर हिच या महाडिक गटाची खरी पॉवर. तिथे होणाऱ्या सततच्या पराभवाने गटाला ब्रेक लागला होता. 

 मात्र तिकडे कोकणात मॉन्सूनचं आगमन झालं आणि ईकडे खासदार धनंजय महाडिकांचं आगमन झालं. आणि काही काळ शांततेत असलेल्या या गटाला नवसंजीवनी मिळाली. 

कोल्हापूरात गेले ३ वर्ष सारं काही एकतर्फी होऊ लागलं होतं, त्यातून काहीही खेळ सुरू होते. कुठलेही हिशेब करणे, जुने वाद उकरणे, नव्या नेत्यांना हकनाक त्रास देणे, मुद्दामहून सहकारी संस्थांत निवडणूक लावणे, ठराविक जागा बिनविरोध करून काही जागेवर झुंजी लावणे असा काही उद्योगही चालू होता. 

मात्र यावर ईलाजही नव्हता. कारण महाडिक नव्हते, दूसऱ्या बाजूला महाडिक असतील तर संतुलन साधतं. 

आता अनेक कोल्हापूरातील आणि जिल्ह्यातील नेत्यांना एक आधार मिळाला तो आधार म्हणजे महाडिक. 




महाडिकांच्या घरी काँग्रेस, शिवसेना, राष्ट्रवादी आणि आता भाजप असे चारही पक्ष झाले. असा आरोप होतो, ते खरंही आहे. काहीजण म्हणतात कि विचारधारा वगैरे ? खरंतर विचारधारेनं काम करायची किंवा राजकारण करायचं म्हणटलं तर ते कधीच शक्य होत नाही आणि सध्याच्या काळात तर नाहीच नाही. 

महाराष्ट्रात अनेक पक्षांतरं केलेल्या अनेक नेत्यांची नावं सांगता येतील. कित्येकांनी पक्षांतरं केली म्हणून ते निवडणूकीत हरले का ? निवडून येणं हेच खरं मेरीट. 

ज्याला निवडून यायची खातरी असते तो कोणत्या पक्षाला बांधिल नसतो. 

धनंजय महाडिक हे ऐन मोदीलाटेत राष्ट्रवादीकडून खासदार झाले होते. त्या पाच वर्षाच्या कारकीर्दीत त्यांना दोनतीनवेळेला संसदरत्न पूरस्कार मिळाला, भिमा कृषीप्रदर्शन, महाडिक युवाशक्ती, महिला बचत गट माध्यमातून ते वेगवेगळे उपक्रमही राबवत असतात. असा त्यांचा गट आणि स्वतः ते सक्रीय असतात. 




आता त्यांच्या राज्यसभेवर जाण्याने गटासह, जिल्ह्यातील दूसऱ्या बाजूच्या फळीलाही एक समाधान वाटलं आहे. कोल्हापूर महानगरपालिका, जिल्ह्यातील नगरपालिका, जिल्हापरिषदा आणि पंचायत समितीच्या निवडणूका तोंडावर आलेल्या आहेत. अशा वेळी महाडिक गट सक्रीय झाल्याने अनेक लोक ताजेतवाने झाले आहेत. काहीजण मनातल्या मनात खूश आहेत. पुढचं पुढं काय व्हायचं ते होईलच.

महाडिकांचा हा 'न ठरवता' झालेला विजय कोल्हापूर जिल्ह्यातील राजकारणात बदल आणणारा असेल. 

विजयाबद्दल खासदार धनंजय महाडिकांचे अभिनंदन आणि भावी वाटचालीस शुभेच्छा !

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

ट्रकडायव्हरांचे काय चुकले?

इमेज
भारतातील प्रत्येक व्यक्तीबरोबर ट्रकचा कधी ना कधीतरी संबंध आलेला असतोच.  कोणतीतरी एखादी तरी वस्तू ट्रकमधूनच येते. ट्रकडायवर हा पेशा रिस्की असतो. घरातून पंधरा दिवस महिनाभर तो बाहेर असतो. आणि पगार म्हणाल तर त्याच्या मानाने अत्यल्प असतो.  घरापासून अनेक दिवस बाहेर असतो.  बाकीच्या तुमच्या हाफीसातील ड्युटीवर तुम्ही डुलकी मारू शकता, टंगळमंगळ करू शकता पण ड्रायवर हा पेशा असा आहे की तिथं सेकंदाच्या शंभराव्या भागाला सुद्धा अलर्ट राहावं लागतं.  अपघात हे अपघात असतात. जाणूनबुजून कुणालाही कुणी मारायचं धाडस करत नाही. नजरचुकीने अपघात घडतात त्याला पुर्वी दोन वर्षे शिक्षा होती.  आता अमितभाईंनी ती शिक्षा १० वर्षांवर नेली. मूळात अशी काही जरूरत नव्हती. ट्रकडायवर होणे हीच तशी एक मोठी शिक्षा आहे. त्यावर अमितभाईंनी आणलेला कायदा म्हणजे नरकात जन्माला एखादा जाणार असेल तर तो भारतात ट्रकडायवर होईल अशी परिस्थिती करून ठेवली आहे. ट्रकचा अपघात झाला की, पुढे असणारा वाहनधारक शक्यतो वाचत नाही तो मरतोच. मात्र अशावेळी मॉब असा काही खवळतो की ट्रकडायवरचा जीव घेऊनच तो शांत होतो.  त्यामुळे डायवरला तिथून पळून जाण्याशिवाय काही पर्य
अधिक वाचा

भाजपची उलटी गणती वेगाने सुरू झालेली आहे.

इमेज
राहूल गांधीची काल फ्रान्स मध्ये एका विद्यापीठात मुलाखत झाली. त्यात तो थेट चायनावर निशाणा साधतो आहे. त्यांच्याकडे असणारी हुकूमशाही आणि म्हणून असणारी कामगारांची पिळवणूक हे मुद्दे त्याने मांडले. चायना को लाल आँखे दिखाना चाहीए वाले मोदीजी चीन भारतावर अतिक्रमण करत असताना चुपचाप बसले आहेत हे अख्खा देश उघड्या डोळ्यांनी पाहत आहे. तिथं राहूलने आता आंतरराष्ट्रीय पातळीवर हे मुद्दे मांडले आहेत. जगभरातील पत्रकार जी २० परिषदेसाठी आले आहेत. देशात घेत नाहीत ते ठीक पण इतर देशांच्या पत्रकारांशी मोदींना बोलता आलं असतं पण तिथंही त्यांनी ५६ इंची छाती दाखवली नाही ती पत्रकार परिषद टाळली.  हे झालं मोदी राहूलचं. आता देशातलं वातावरण पाहीलं तर जवान चित्रपट जोरदार हिट होत आहे. त्यात शाहरूख खानने कुणाविरूद्ध काय आवाज उठवला आहे हे चांगलंच सर्वांना माहीत आहे. शाहरुख खानची जवान वरून वाहवा होत आहे. देशभरात सिनेमा हाऊस फुल्ल आहे. पण त्यातील संदेश ही तरूण वर्ग गांभीर्याने घेत आहे हे महत्त्वाचं. शाहरुख खान ने मतदानाविषयी केलेलं भाष्य लोकांच्या दीर्घकाळ स्मृतीत राहणारं आहे.  देशभरात भाजपाविरोधी लाट मोठ्या प्रमाणात दिसून य
अधिक वाचा

पावसाचं आवाज कसा येतं

पाऊस पडालाय. पावसाचं आवाज कसा येतंय. च्किठच्कप्च असं मेणकागदावर पडल्यावर येतंय. मातीत पडलं की सूरवातीला आवाज येत नही, नंतर येतो. माती ही पोरांच्या डोक्यासारखी असते, पोरांचे डोके जास्त भिजते पोरींचं डोकं कमी. कमी डोकं म्हणजे कमी भिजतंय. कारण पोरींचे डोस्के नाही, केस लांबडे असतात, ऊतार असल्याने पाणी घसरून जातंय. पावूस डोक्यात जात नाही. आता वेणीतल्या एखाद्या केसाचे मूळ शोधणे हे कठीण काम. नवीन- ऋषीचे कूळ आणि वेणीतल्या केसाचे मूळ शोधू नये.  ऊसाच्या पाल्यासारखे मोकळे केस सोडणार्या  पोरी भारी दिसतात. व्हरायटी फक्त 86032सारखी पाहीजे. पोरींचा विचार करायला नको. पावसाचा आवाज. पावसाच्या ठेंबाचा आवाज. पिच्चरात दाखवतात तसं नसतं. पावसाची आई म्हणजे समूद्र, पावसाचा बाप म्हणजे सूर्य. पावसाची बहीण नदी, पावसाचा भाऊ वढा. असं यांच कुटूंब. ढग म्हणजे गर्भाशय. पाऊस नोकरीला शेतात जातो, बादगड संगतीने गटारीत जातो, संस्कार चांगले असतील तर गाय पावसाचे पाणी पिते. हे म्हणजे पुण्याई, गोमूत्र म्हणजे सुवर्णस्वर्ग. पावसाची आई बा काढायला नको. पावसाचा आवाज. पाऊस पाण्यात पडला की टुब्बुक अस आवाज येतंय. मग भाकर्या ऊठत जातात.
अधिक वाचा