राजू शेट्टींचे अभिनंदन !



स्वाभिमानी शेतकरी संघटनेचे संस्थापक अध्यक्ष आणि हातकणंगले मतदारसंघाचे माजी खासदार राजू शेट्टींनी आज महाविकास आघाडीपासून फारकत घेतली. आपण आता स्वतंत्र असल्याची घोषणा केली. 

ऊसपट्टा सोडला तरीही राजू शेट्टींना माननारा मोठ्ठा वर्ग महाराष्ट्रातंच नाही तर पुर्ण भारतात आहे. १००-२०० देशभरातील शेतकरी संघटनेत त्यांना मानाचे स्थान आहे. एक टर्म आमदारकी दोन टर्म खासदारकी आणि त्यानंतर पराभव. 

२०१४ ला त्यांनी नरेंद्र मोदींच्या नेतृत्वावर विश्वास ठेवून भाजपासोबत युती केली, नंतरून भाजपची भूमिका पटली नाही म्हणून ते तडकाफडकी बाहेर पडले. पुढे जाऊन २०१४ च्या लोकसभेपूर्वी त्यांनी काँग्रेस राष्ट्रवादी बरोबर आघाडी केली. या आघाडीत येणे काही त्यांच्या पथ्यावर पडले नाही. जवळपास लाखभर मतांनी त्यांचा पराभव झाला. 

या पराभवाला अनेक कारणे जरी असली तरी मुख्य कारण हेच कि , शरद पवारांना विरोध करणारे शेट्टी परत त्यांच्याजवळ गेले हे लोकांना पटले नाही. त्यामूळे निवडणूकीच्या तोंडावर सेनेत आलेल्या धैर्यशील मानेंनी त्यांचा पराभव केला. 

स्वाभिमानीच्या कार्यकर्त्यांना राजू शेट्टी स्वतंत्र असावेत हेच नेहमी वाटायचं. खरतर राजू शेट्टींनी कुणाशीही जवळीक करू नये हि त्यांची भूमिका असते. 

आज वाढलेली महागाई , रासायनिक खतांचे वाढते दर, शेतीसाठी वाढलेला सर्व खर्च यामूळे भारतीय जनता पक्षावर शेतकऱ्यांचा राग आहे. तसेच महागाईने शहरी जनताही त्रस्त आहे त्यांचाही भाजपवर रोष आहे. 

तसेच वीजतोडणी वगैरे कारणांवरून महाविकास आघाडीवरही शेतकऱ्यांचा राग आहे. त्यात परत दोन टप्प्यांत ऊसाचे बील असे मुद्दे आहेत.  


राजू शेट्टींनी महाविकास आघाडी देत असलेल्या आमदारकीला लाथ हाणली आहे. अशी हिमंत सहसा कुणी दाखवत नाहीत. देशभरातील शेकडो शेतकरी संघटनेंच्या गटाचे प्रतिनिधीत्व करणारे शेट्टीसाहेब भाजपा सोबत परत जाणारही नाहीतंच. कारण देशभर भाजपाविरोधी प्रमुख नेत्यांत त्यांना मानाचे स्थान आहे. त्यामूळे भाजपला त्यांनी आधीच डावातून डीस केलंय. तसेच महागाईने त्रस्त असणाऱ्या शेतकरी वर्गातल्या भाजपविरोधी रोषाची त्यांना कल्पना असल्याने कुणी जर म्हणत असेल कि ते भाजपात जाणार किंवा भाजप त्यांना राज्यसभा देणार हे काही तेवढे खरे वाटत नाही. शेतकऱ्यांसाठी ते राज्यसभाच काय केंद्रीय मंत्रीपद दिलं तरी त्याला लाथ घालतील असे शेट्टीसाहेब आहेत. त्यामूळे राज्यसभा वगैरे अफवा गोष्टी आहेत. मुद्दामहून विरोधक अशा गोष्टी पेरत असावेत. 

राजू शेट्टींचा स्वाभिमान हिच त्यांची ताकद आहे. राजू शेट्टींनी आज सांगितल्याप्रमाणे आम्ही स्वतंत्र आहोत. असे जर ते स्वतंत्र राहिले तर लोक पुन्हा डोक्यावर घेऊन नाचतील !

 जी चळवळ टिकवायची म्हणून आवाहन करावं लागतं होतं ती चळवळ टिकेल , वाढेल आणि सत्ताधाऱ्यांना घाम फोडेल ! 

राजू शेट्टीसाहेब यांच्या नव्या कारकीर्दीस मनःपूर्वक शुभेच्छा !

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

ट्रकडायव्हरांचे काय चुकले?

इमेज
भारतातील प्रत्येक व्यक्तीबरोबर ट्रकचा कधी ना कधीतरी संबंध आलेला असतोच.  कोणतीतरी एखादी तरी वस्तू ट्रकमधूनच येते. ट्रकडायवर हा पेशा रिस्की असतो. घरातून पंधरा दिवस महिनाभर तो बाहेर असतो. आणि पगार म्हणाल तर त्याच्या मानाने अत्यल्प असतो.  घरापासून अनेक दिवस बाहेर असतो.  बाकीच्या तुमच्या हाफीसातील ड्युटीवर तुम्ही डुलकी मारू शकता, टंगळमंगळ करू शकता पण ड्रायवर हा पेशा असा आहे की तिथं सेकंदाच्या शंभराव्या भागाला सुद्धा अलर्ट राहावं लागतं.  अपघात हे अपघात असतात. जाणूनबुजून कुणालाही कुणी मारायचं धाडस करत नाही. नजरचुकीने अपघात घडतात त्याला पुर्वी दोन वर्षे शिक्षा होती.  आता अमितभाईंनी ती शिक्षा १० वर्षांवर नेली. मूळात अशी काही जरूरत नव्हती. ट्रकडायवर होणे हीच तशी एक मोठी शिक्षा आहे. त्यावर अमितभाईंनी आणलेला कायदा म्हणजे नरकात जन्माला एखादा जाणार असेल तर तो भारतात ट्रकडायवर होईल अशी परिस्थिती करून ठेवली आहे. ट्रकचा अपघात झाला की, पुढे असणारा वाहनधारक शक्यतो वाचत नाही तो मरतोच. मात्र अशावेळी मॉब असा काही खवळतो की ट्रकडायवरचा जीव घेऊनच तो शांत होतो.  त्यामुळे डायवरला तिथून पळून जाण्याशिवाय काही पर्य
अधिक वाचा

भाजपची उलटी गणती वेगाने सुरू झालेली आहे.

इमेज
राहूल गांधीची काल फ्रान्स मध्ये एका विद्यापीठात मुलाखत झाली. त्यात तो थेट चायनावर निशाणा साधतो आहे. त्यांच्याकडे असणारी हुकूमशाही आणि म्हणून असणारी कामगारांची पिळवणूक हे मुद्दे त्याने मांडले. चायना को लाल आँखे दिखाना चाहीए वाले मोदीजी चीन भारतावर अतिक्रमण करत असताना चुपचाप बसले आहेत हे अख्खा देश उघड्या डोळ्यांनी पाहत आहे. तिथं राहूलने आता आंतरराष्ट्रीय पातळीवर हे मुद्दे मांडले आहेत. जगभरातील पत्रकार जी २० परिषदेसाठी आले आहेत. देशात घेत नाहीत ते ठीक पण इतर देशांच्या पत्रकारांशी मोदींना बोलता आलं असतं पण तिथंही त्यांनी ५६ इंची छाती दाखवली नाही ती पत्रकार परिषद टाळली.  हे झालं मोदी राहूलचं. आता देशातलं वातावरण पाहीलं तर जवान चित्रपट जोरदार हिट होत आहे. त्यात शाहरूख खानने कुणाविरूद्ध काय आवाज उठवला आहे हे चांगलंच सर्वांना माहीत आहे. शाहरुख खानची जवान वरून वाहवा होत आहे. देशभरात सिनेमा हाऊस फुल्ल आहे. पण त्यातील संदेश ही तरूण वर्ग गांभीर्याने घेत आहे हे महत्त्वाचं. शाहरुख खान ने मतदानाविषयी केलेलं भाष्य लोकांच्या दीर्घकाळ स्मृतीत राहणारं आहे.  देशभरात भाजपाविरोधी लाट मोठ्या प्रमाणात दिसून य
अधिक वाचा

पावसाचं आवाज कसा येतं

पाऊस पडालाय. पावसाचं आवाज कसा येतंय. च्किठच्कप्च असं मेणकागदावर पडल्यावर येतंय. मातीत पडलं की सूरवातीला आवाज येत नही, नंतर येतो. माती ही पोरांच्या डोक्यासारखी असते, पोरांचे डोके जास्त भिजते पोरींचं डोकं कमी. कमी डोकं म्हणजे कमी भिजतंय. कारण पोरींचे डोस्के नाही, केस लांबडे असतात, ऊतार असल्याने पाणी घसरून जातंय. पावूस डोक्यात जात नाही. आता वेणीतल्या एखाद्या केसाचे मूळ शोधणे हे कठीण काम. नवीन- ऋषीचे कूळ आणि वेणीतल्या केसाचे मूळ शोधू नये.  ऊसाच्या पाल्यासारखे मोकळे केस सोडणार्या  पोरी भारी दिसतात. व्हरायटी फक्त 86032सारखी पाहीजे. पोरींचा विचार करायला नको. पावसाचा आवाज. पावसाच्या ठेंबाचा आवाज. पिच्चरात दाखवतात तसं नसतं. पावसाची आई म्हणजे समूद्र, पावसाचा बाप म्हणजे सूर्य. पावसाची बहीण नदी, पावसाचा भाऊ वढा. असं यांच कुटूंब. ढग म्हणजे गर्भाशय. पाऊस नोकरीला शेतात जातो, बादगड संगतीने गटारीत जातो, संस्कार चांगले असतील तर गाय पावसाचे पाणी पिते. हे म्हणजे पुण्याई, गोमूत्र म्हणजे सुवर्णस्वर्ग. पावसाची आई बा काढायला नको. पावसाचा आवाज. पाऊस पाण्यात पडला की टुब्बुक अस आवाज येतंय. मग भाकर्या ऊठत जातात.
अधिक वाचा