रस्तं भारीच असत्यात. नंतर फाटं फूटत्यात. सावली देणारं एक झाड असतंय. 
......................................... .............
टाईलच्या फरच्या असल्या की पायतान पण उचलून हातात घ्यायला लागतंय. 
.........................................................
चिरमूरं फूटाणं खाल्लं की तहान लागत्या. त्यावेळी पाणी जास्त प्यायचं नसतंय.
.........................................................
सकाळी एक टमटम बर्फाच्या लाद्या घिवून चालंलत, त्यातंन पाणी पडालतं. मागं एक सायकलवाला दोन घागर्या घिवून पाणी आणायला चाललाता. पायंडल मारून त्यला घाम आलता.
...........................................................
सरदार गब्बरसिंग पिच्चर बघितलो आज. बरा हाय. काजू अग्रवाल आगायाया लै काटा दिसल्या.
...........................................................
अमेरिकेच्या दोनचार पोरी बर्नीसायबांच्या प्रचारकार्यात गेल्यावर भेटल्या. सकाळपास्नं बोलालतो. तिकडंची एक बोंब म्हणजे हवामान. बर्फ पडालय. मी म्हणटलं हिकडं लै ऊन पडलंय. ती म्हणटली जवळ बीच हाय काय नही ? मी सबंध मूंबई कोकणफाटा तिला सांगिटलो. जा स्विमिंगला म्हणटली. स्विमींगला बीचवर चाललं तर दिवाळं निघायचं. लै बोललो ईंग्लीशमधनं. सगळं व्हय व्हय म्हणटली आणि शेवटाला Idiot म्हणटली.
...........................................................
मी या जगात आलो आणि नंतर कळलं आमाला आडीच एकर रान हाय.
...............................................................
आजचा लोकसत्ता बरा हाय. गिरीशकाकानी छान लेख लिहलाय डाॅ. आंबेडकरांचं अर्थशास्त्रातलं अभ्यास कळला. असंताचे संत मला लै आवडलंत. ज्यावेळी आपन अनेकांच्या नजरेत गाजलेल्या समाजसेवकाबद्दल बोलतो, त्यावेळी टीका ठरलेलीच असत्या. (शेवटून दूसरा परिच्छेद कदाचित ह्याच गोष्टीतंन गिरीशकाकानं लिवलं असेल.)
.................................................................
पिच्चरात काम करावं वाटलं की शंभरच्या बलापुढं रात्रीला ऊभा राहून एॅक्टींग करायचं. मोठ्या पडद्याची हौस फिटत्या.
.........................................................
चंद्र बारकं असलं टोकदार दिसलं की त्यला लोवाराकडं निवून खूरपं करावं असं वाटतंय.
smile emoticon frown emoticon grin emoticon gasp emoticon heart emoticon

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

ट्रकडायव्हरांचे काय चुकले?

इमेज
भारतातील प्रत्येक व्यक्तीबरोबर ट्रकचा कधी ना कधीतरी संबंध आलेला असतोच.  कोणतीतरी एखादी तरी वस्तू ट्रकमधूनच येते. ट्रकडायवर हा पेशा रिस्की असतो. घरातून पंधरा दिवस महिनाभर तो बाहेर असतो. आणि पगार म्हणाल तर त्याच्या मानाने अत्यल्प असतो.  घरापासून अनेक दिवस बाहेर असतो.  बाकीच्या तुमच्या हाफीसातील ड्युटीवर तुम्ही डुलकी मारू शकता, टंगळमंगळ करू शकता पण ड्रायवर हा पेशा असा आहे की तिथं सेकंदाच्या शंभराव्या भागाला सुद्धा अलर्ट राहावं लागतं.  अपघात हे अपघात असतात. जाणूनबुजून कुणालाही कुणी मारायचं धाडस करत नाही. नजरचुकीने अपघात घडतात त्याला पुर्वी दोन वर्षे शिक्षा होती.  आता अमितभाईंनी ती शिक्षा १० वर्षांवर नेली. मूळात अशी काही जरूरत नव्हती. ट्रकडायवर होणे हीच तशी एक मोठी शिक्षा आहे. त्यावर अमितभाईंनी आणलेला कायदा म्हणजे नरकात जन्माला एखादा जाणार असेल तर तो भारतात ट्रकडायवर होईल अशी परिस्थिती करून ठेवली आहे. ट्रकचा अपघात झाला की, पुढे असणारा वाहनधारक शक्यतो वाचत नाही तो मरतोच. मात्र अशावेळी मॉब असा काही खवळतो की ट्रकडायवरचा जीव घेऊनच तो शांत होतो.  त्यामुळे डायवरला तिथून पळून जाण्याशिवाय काही पर्य
अधिक वाचा

भाजपची उलटी गणती वेगाने सुरू झालेली आहे.

इमेज
राहूल गांधीची काल फ्रान्स मध्ये एका विद्यापीठात मुलाखत झाली. त्यात तो थेट चायनावर निशाणा साधतो आहे. त्यांच्याकडे असणारी हुकूमशाही आणि म्हणून असणारी कामगारांची पिळवणूक हे मुद्दे त्याने मांडले. चायना को लाल आँखे दिखाना चाहीए वाले मोदीजी चीन भारतावर अतिक्रमण करत असताना चुपचाप बसले आहेत हे अख्खा देश उघड्या डोळ्यांनी पाहत आहे. तिथं राहूलने आता आंतरराष्ट्रीय पातळीवर हे मुद्दे मांडले आहेत. जगभरातील पत्रकार जी २० परिषदेसाठी आले आहेत. देशात घेत नाहीत ते ठीक पण इतर देशांच्या पत्रकारांशी मोदींना बोलता आलं असतं पण तिथंही त्यांनी ५६ इंची छाती दाखवली नाही ती पत्रकार परिषद टाळली.  हे झालं मोदी राहूलचं. आता देशातलं वातावरण पाहीलं तर जवान चित्रपट जोरदार हिट होत आहे. त्यात शाहरूख खानने कुणाविरूद्ध काय आवाज उठवला आहे हे चांगलंच सर्वांना माहीत आहे. शाहरुख खानची जवान वरून वाहवा होत आहे. देशभरात सिनेमा हाऊस फुल्ल आहे. पण त्यातील संदेश ही तरूण वर्ग गांभीर्याने घेत आहे हे महत्त्वाचं. शाहरुख खान ने मतदानाविषयी केलेलं भाष्य लोकांच्या दीर्घकाळ स्मृतीत राहणारं आहे.  देशभरात भाजपाविरोधी लाट मोठ्या प्रमाणात दिसून य
अधिक वाचा

पावसाचं आवाज कसा येतं

पाऊस पडालाय. पावसाचं आवाज कसा येतंय. च्किठच्कप्च असं मेणकागदावर पडल्यावर येतंय. मातीत पडलं की सूरवातीला आवाज येत नही, नंतर येतो. माती ही पोरांच्या डोक्यासारखी असते, पोरांचे डोके जास्त भिजते पोरींचं डोकं कमी. कमी डोकं म्हणजे कमी भिजतंय. कारण पोरींचे डोस्के नाही, केस लांबडे असतात, ऊतार असल्याने पाणी घसरून जातंय. पावूस डोक्यात जात नाही. आता वेणीतल्या एखाद्या केसाचे मूळ शोधणे हे कठीण काम. नवीन- ऋषीचे कूळ आणि वेणीतल्या केसाचे मूळ शोधू नये.  ऊसाच्या पाल्यासारखे मोकळे केस सोडणार्या  पोरी भारी दिसतात. व्हरायटी फक्त 86032सारखी पाहीजे. पोरींचा विचार करायला नको. पावसाचा आवाज. पावसाच्या ठेंबाचा आवाज. पिच्चरात दाखवतात तसं नसतं. पावसाची आई म्हणजे समूद्र, पावसाचा बाप म्हणजे सूर्य. पावसाची बहीण नदी, पावसाचा भाऊ वढा. असं यांच कुटूंब. ढग म्हणजे गर्भाशय. पाऊस नोकरीला शेतात जातो, बादगड संगतीने गटारीत जातो, संस्कार चांगले असतील तर गाय पावसाचे पाणी पिते. हे म्हणजे पुण्याई, गोमूत्र म्हणजे सुवर्णस्वर्ग. पावसाची आई बा काढायला नको. पावसाचा आवाज. पाऊस पाण्यात पडला की टुब्बुक अस आवाज येतंय. मग भाकर्या ऊठत जातात.
अधिक वाचा