माझं पोरगं साव्वीला हाय. एकटंच हाय. म्हणजे मला एकच पोरगं हाय. काल रातरी जेवताना शुभ्या त्वांड बारिक करून बसलंतं. मला वाटलं हिचं आणि त्यचं कायतर ख्यानपिन्नं झालंय. म्हणून लै काय वाटलं नही मला. मी बेतानं जेवलो आणि पाणी लावाय गेलो. पाणी लवून यायलतो तर येमेटी बंद पडलं, च्वाक लवून बघिटलो तरीबी चालू हूईना. आत्तरहिच्याबायली ! म्हणटलो आणि ढकलत आणलो. शुभ्याचं बेणं कुठतर फिरवून आणलं अशील आणि त्याल सपलेलं बघून लावलं अशील. आलिकडं जरा बिघडंलय, दात लावल्यागत करालंय. काय करायचं म्हणा. 
तर मला यायला साडेआकरा वाजलं. सोप्यातलं लैट चालूच हूतं. यिवून दार उघडलो तर शुभ्या अभ्यास करत बसलंतं. माझं मलाच वईट वाटलं. पोरगं चांगल हाय, अभ्यास बी करतंय. मीच म्हणटलो, झोप आत्ता सकाळी लवकर ऊठून कर आभ्यास. आत्ता करून काय ध्यानात र्हात नही. 
ते म्हणटलं, नही पप्पा गृहपाटची वही पुर्ण करायची हाय. 
सकाळी ऊठून कुठं नांगर वढायला जाणार हायीस काय ? 
ते परत म्हणटलं, तुमी झोपा जावा. 
मी लै विषय वाढवलो नही. थंड वाजालती. बायकू घोरत पडलीती. मग मी बी पडलो. 
खरं झोप काय लागीनाच. ऊगचच पोरगं आटवालं तोंडाफूडं. 
नंतर कवातर झोपलो. सकाळी उटलो तरमाझ्या आगूदर ऊटून पोरगं लिवत बसलंतं. 
आयला मामलंदारच पोरगं मामलेदार हूईल आसं वाटलं. गोट्याकडं गेलो, शानघाण आवरून वैरण टाकून आलो. च्या प्यायचं आणि धार काढायला जायचं आसंच ठरवून आलो. 
तर हे लिवता लिवता रडालंत, डोळं आकशरशा ठपकालती. गेलो जवळ. काय झालं रे विचारलो. तर आणि गप्प बसून रडालं. आयला डोस्कंच फिरलं माझं. हिला बोलवलो. तर ही बी पोराला काय झालं शुबु ? काय झालं सांग ? 
आत्तारहिच्याआयला !! काय भानगड ? हिचं बी काय वांदं नही. मग काय झालं अशील ? आता ह्यलाच इचारतो, काय झालं सांग की शुभ्या, दोघं काय आई घालालोय व्हय रे हिथं आं ? 
अरारारा पोरंग हामसून रडायला लागलं. 
म्हणटलं जाधव मॅडमनी दहावेळा गृहपाट लिवायला लावलंय. आज मला मारलीतपण. वर्गात तासभर ऊभा केलीत. 
पोरगं लैच रडालतं. नंतर मान दाकवला, पट्टीच वण हुतीत. बघवलं नही. 
जाधव म्याडम काय ? वशाची पूरगी बीयेड झाल्या आणि वशिल्यानं लागल्या थांब तिच्याआयला दाकवतोच यकदा. जरा मस्तीचीच हाय. माझ्या पोरग्याला रात्रभर यवढा तरास. मारल्या तर कसं ? बै हाय काय भिताड. 
हिथं मला एकच पोरगं. तीनशे फूटखालंच बोरंच पाणी पाजवतो, साट रूपयं किलोचं तांदूळ खायला घालतो आणि ही पटापटा मारत्या. काय जीव म्हणटला अशील माझ्या पोरग्याचा ? नही आत्ता धार काडून येतो आणि दाकवतोच हिला. 
धार काडून आलो. न्यारी केलो. शूभ्याला लिवू नको म्हणटलं. काय करत्या ते बघतोच एकदा. 
आकरा गेलो शाळंत. पारथना चालू हूती. ती आटपल्यावर मुक्याध्यापकच्या खोलीत ह्यला घिवून गेलो. त्यला सांगिटलो हे जे परकार केल्या ते तुमाला तरं शोभतंय काय ? 
ह्यानं तिला बोलवून घेटलं. 
तीबी नाटकसाळी आली. मी काय बोल्लो नही. मस्त बोलावं वाटतंय. गावातल्या गावात बरं दिसत नही. किती केलं तर बईमाणूस शेवटला ती. मास्तरंच तीला रौंडावर घेटला. तुम्हाला कळत नाही का ? 
ती म्हणटली, माझ्या हातून जो प्रकार घडला त्याबद्दल मी तुमची माफी मागते. 
मास्तर म्हणटला परत असं काही कानावर येता कामा नाही. 
ती गेली लगेच. लाज वाटली आसलं की नाटकसाळीला. सुद्दं बोलत्या झाला प्रकार म्हणं. मास्तरनं मला आणि शुभ्याला क्वाफी पाजली. कडवाट. 
खरं चांगलं हूतं. गोडमुद्द चा पिवून ईट आलतं. तोंडाची बाबळी गेली. शुभ्याला जा म्हणटलो शाळेत. आणि घरला आलो. चिरमूर आणलो पंचवीस रूपयच. शेंगा घरच्या हायीत. बायकूला भडांग आणि चिरमूर्याच लाडू करायला लावलो. 
ती चारदा इचारली, मापी मागिटली नव्हं ? मापी मागिटली नव्हं ? सांगून सांगून बास झालं. हिची एकदा मापी मागाय लावली पाहीजे आसं वाटलं. हिनं लाडू आणि भडांग केलं. शाळेतंन आल्यावर पोरगं खाल्लं. मी बिनसांगताच रातरीला दूधातल्या दशम्या आणि झुणका केली ही. बेश्ट लागलं जेवानं. तीघंबी ज्याम जेवलो. गृहपाटाची वई तपासली आणि व्हेरी गुड असं कायतर दिलंय म्हणून शुभ्या म्हणटला. आज साडेनवूलाच झोपला. झोपू दे. एकचं पोरगं हाय मला.

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

ट्रकडायव्हरांचे काय चुकले?

इमेज
भारतातील प्रत्येक व्यक्तीबरोबर ट्रकचा कधी ना कधीतरी संबंध आलेला असतोच.  कोणतीतरी एखादी तरी वस्तू ट्रकमधूनच येते. ट्रकडायवर हा पेशा रिस्की असतो. घरातून पंधरा दिवस महिनाभर तो बाहेर असतो. आणि पगार म्हणाल तर त्याच्या मानाने अत्यल्प असतो.  घरापासून अनेक दिवस बाहेर असतो.  बाकीच्या तुमच्या हाफीसातील ड्युटीवर तुम्ही डुलकी मारू शकता, टंगळमंगळ करू शकता पण ड्रायवर हा पेशा असा आहे की तिथं सेकंदाच्या शंभराव्या भागाला सुद्धा अलर्ट राहावं लागतं.  अपघात हे अपघात असतात. जाणूनबुजून कुणालाही कुणी मारायचं धाडस करत नाही. नजरचुकीने अपघात घडतात त्याला पुर्वी दोन वर्षे शिक्षा होती.  आता अमितभाईंनी ती शिक्षा १० वर्षांवर नेली. मूळात अशी काही जरूरत नव्हती. ट्रकडायवर होणे हीच तशी एक मोठी शिक्षा आहे. त्यावर अमितभाईंनी आणलेला कायदा म्हणजे नरकात जन्माला एखादा जाणार असेल तर तो भारतात ट्रकडायवर होईल अशी परिस्थिती करून ठेवली आहे. ट्रकचा अपघात झाला की, पुढे असणारा वाहनधारक शक्यतो वाचत नाही तो मरतोच. मात्र अशावेळी मॉब असा काही खवळतो की ट्रकडायवरचा जीव घेऊनच तो शांत होतो.  त्यामुळे डायवरला तिथून पळून जाण्याशिवाय काही पर्य
अधिक वाचा

भाजपची उलटी गणती वेगाने सुरू झालेली आहे.

इमेज
राहूल गांधीची काल फ्रान्स मध्ये एका विद्यापीठात मुलाखत झाली. त्यात तो थेट चायनावर निशाणा साधतो आहे. त्यांच्याकडे असणारी हुकूमशाही आणि म्हणून असणारी कामगारांची पिळवणूक हे मुद्दे त्याने मांडले. चायना को लाल आँखे दिखाना चाहीए वाले मोदीजी चीन भारतावर अतिक्रमण करत असताना चुपचाप बसले आहेत हे अख्खा देश उघड्या डोळ्यांनी पाहत आहे. तिथं राहूलने आता आंतरराष्ट्रीय पातळीवर हे मुद्दे मांडले आहेत. जगभरातील पत्रकार जी २० परिषदेसाठी आले आहेत. देशात घेत नाहीत ते ठीक पण इतर देशांच्या पत्रकारांशी मोदींना बोलता आलं असतं पण तिथंही त्यांनी ५६ इंची छाती दाखवली नाही ती पत्रकार परिषद टाळली.  हे झालं मोदी राहूलचं. आता देशातलं वातावरण पाहीलं तर जवान चित्रपट जोरदार हिट होत आहे. त्यात शाहरूख खानने कुणाविरूद्ध काय आवाज उठवला आहे हे चांगलंच सर्वांना माहीत आहे. शाहरुख खानची जवान वरून वाहवा होत आहे. देशभरात सिनेमा हाऊस फुल्ल आहे. पण त्यातील संदेश ही तरूण वर्ग गांभीर्याने घेत आहे हे महत्त्वाचं. शाहरुख खान ने मतदानाविषयी केलेलं भाष्य लोकांच्या दीर्घकाळ स्मृतीत राहणारं आहे.  देशभरात भाजपाविरोधी लाट मोठ्या प्रमाणात दिसून य
अधिक वाचा

पावसाचं आवाज कसा येतं

पाऊस पडालाय. पावसाचं आवाज कसा येतंय. च्किठच्कप्च असं मेणकागदावर पडल्यावर येतंय. मातीत पडलं की सूरवातीला आवाज येत नही, नंतर येतो. माती ही पोरांच्या डोक्यासारखी असते, पोरांचे डोके जास्त भिजते पोरींचं डोकं कमी. कमी डोकं म्हणजे कमी भिजतंय. कारण पोरींचे डोस्के नाही, केस लांबडे असतात, ऊतार असल्याने पाणी घसरून जातंय. पावूस डोक्यात जात नाही. आता वेणीतल्या एखाद्या केसाचे मूळ शोधणे हे कठीण काम. नवीन- ऋषीचे कूळ आणि वेणीतल्या केसाचे मूळ शोधू नये.  ऊसाच्या पाल्यासारखे मोकळे केस सोडणार्या  पोरी भारी दिसतात. व्हरायटी फक्त 86032सारखी पाहीजे. पोरींचा विचार करायला नको. पावसाचा आवाज. पावसाच्या ठेंबाचा आवाज. पिच्चरात दाखवतात तसं नसतं. पावसाची आई म्हणजे समूद्र, पावसाचा बाप म्हणजे सूर्य. पावसाची बहीण नदी, पावसाचा भाऊ वढा. असं यांच कुटूंब. ढग म्हणजे गर्भाशय. पाऊस नोकरीला शेतात जातो, बादगड संगतीने गटारीत जातो, संस्कार चांगले असतील तर गाय पावसाचे पाणी पिते. हे म्हणजे पुण्याई, गोमूत्र म्हणजे सुवर्णस्वर्ग. पावसाची आई बा काढायला नको. पावसाचा आवाज. पाऊस पाण्यात पडला की टुब्बुक अस आवाज येतंय. मग भाकर्या ऊठत जातात.
अधिक वाचा