पाणी पाजवाय जाताना हे आठवतंयच.

ही गोष्ट चारवर्षामागची आहे. अशाच एका हिवाळ्यातल्या सकाळपारी, चूलतचूलतभावाला चहा द्यायला गेलतो. तो गावात राहतो. आम्ही मळ्यात. मग तो रात्री पाणी पाजवायला आला कि चहा नाष्टा वगैरे आमच्या घरातंन देतो. त्यादिवशी त्याला चहा देवून घराकडं येत होतो. तर एकदम रडण्याचा आवाज आला. मी घाबरलो, घरातंन बाहेर पडून पंधरा मिनटंच झालती. सगळं ठीक होतं येताना आणि एकदम रडण्याचा आवाज. तरीपण बघितल्यावर काय ते खरं कळलं म्हणून गेलो. घरात गेलो तर गावातली एक बाई कुडकूडत रडत होती, धाप भरलाता. काय सांगायला पण येईना. बापा गावाकडं दूध घालयला गेलते. भाऊ अभ्यास करायला बसलाता. मम्मी तिच्याजवळ थांबून काय झालंय ते सांगा ? म्हणेन विचारत होती. मम्मीच्या माहेरातल्या घराजवळची ही बाई. नंतर लक्षात आलं, आमच्या वरच्या पट्टीकडच्या पलिकडंच रान त्यानी करायला घेतलंत. थोडं शांत झाल्यावर सांगितली. आमचं त्यनी कुठं दिसनात. सगळ ऊस हूडकलो. पहाटं चारंला गायप झाल्यात. मला ऊसात जायला भ्या वाटाल्या. असं ऐकलं की कुणालापण धक्का बसतोच. मला पण बसला. शेजारपाजारी पण कोण नव्हते. कुठतरं विशाळगडला जाणार होते, त्यांना बोलवायला जाणं बरं वाटलं नही. मीच म्हणटलं चला बघूया. ती घरातंच बसली, मी आणि माझा भवू दोघं जण गेलं. वरंन खाली पाटापाटात बघायलं, मधल्या पाटात बॅटरी दिसली. भावाला बोलवलो. आत ऊस वाढलेलं आणि आडवंतिडवं पडलेलं. तसंच वाट काढत गेलं, तर पुढं तो माणूस पाटात पडलाता. पाणी चालूच होतं. भावाला उत्सूकता दादा हाय काय नही ते पहिला बघ ! म्हणटला. मला पण तेच बघू वाटालतं. पाटातंन जरा वर ढकललो. बांधावर ठेवलो. तर ते हलवताना घळघळ आवाज आला. मग हाताची नाडी बघितलो. तिथं काय मेळ दिसना, मग नाकातोंडाला हात लावलो श्वास चालू नव्हता. माणूस गेलाय हे ध्यानात आलं. आता खरी कसरत होती ते ऊसातंन बाहेर काढण्यात. भाऊ हात मी पाय धरलो. ऊचलंल तर ऊचलत नव्हतं. शिस्तीत जराजरा उचलत आणलो. सिद्धार्थ म्हणटला माझ्याकडं वझं व्हायलंय, तू हिकडं ये. मग मी तिकड गेलो. असं करत बाहेर आणलो. मग परत काहितरी करता येईल म्हणून वल्ले कपडे काढलो, अंग राड झालतं ते धूतलो. आणि जाळ करून त्याला शेकलं. वाफा यायलत्या त्याच्या अंगातंन. तेवढ्यात घरातंन फोनाफोनी झालती. त्याचा मूलगा आला. बाबा म्हणून रडायला लागला. त्याला संभाळून घेतलो त्याचा मित्र आलता . आम्ही सगळंजण मिळून रानातंन बाहेर काढलं. मूलगा आई रडालतीत. रोडला नेलं. गावातंन मित्र त्यांचाच भवूबंद आला आल्टोतंन नेलं. दवाखान्यात नेलं. तर दोन तासाआधीच अटॅक न तो गेलेलं कळलं.
पाणी पाजवाय जाताना हे आठवतंयच.

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

ट्रकडायव्हरांचे काय चुकले?

इमेज
भारतातील प्रत्येक व्यक्तीबरोबर ट्रकचा कधी ना कधीतरी संबंध आलेला असतोच.  कोणतीतरी एखादी तरी वस्तू ट्रकमधूनच येते. ट्रकडायवर हा पेशा रिस्की असतो. घरातून पंधरा दिवस महिनाभर तो बाहेर असतो. आणि पगार म्हणाल तर त्याच्या मानाने अत्यल्प असतो.  घरापासून अनेक दिवस बाहेर असतो.  बाकीच्या तुमच्या हाफीसातील ड्युटीवर तुम्ही डुलकी मारू शकता, टंगळमंगळ करू शकता पण ड्रायवर हा पेशा असा आहे की तिथं सेकंदाच्या शंभराव्या भागाला सुद्धा अलर्ट राहावं लागतं.  अपघात हे अपघात असतात. जाणूनबुजून कुणालाही कुणी मारायचं धाडस करत नाही. नजरचुकीने अपघात घडतात त्याला पुर्वी दोन वर्षे शिक्षा होती.  आता अमितभाईंनी ती शिक्षा १० वर्षांवर नेली. मूळात अशी काही जरूरत नव्हती. ट्रकडायवर होणे हीच तशी एक मोठी शिक्षा आहे. त्यावर अमितभाईंनी आणलेला कायदा म्हणजे नरकात जन्माला एखादा जाणार असेल तर तो भारतात ट्रकडायवर होईल अशी परिस्थिती करून ठेवली आहे. ट्रकचा अपघात झाला की, पुढे असणारा वाहनधारक शक्यतो वाचत नाही तो मरतोच. मात्र अशावेळी मॉब असा काही खवळतो की ट्रकडायवरचा जीव घेऊनच तो शांत होतो.  त्यामुळे डायवरला तिथून पळून जाण्याशिवाय काही पर्य
अधिक वाचा

भाजपची उलटी गणती वेगाने सुरू झालेली आहे.

इमेज
राहूल गांधीची काल फ्रान्स मध्ये एका विद्यापीठात मुलाखत झाली. त्यात तो थेट चायनावर निशाणा साधतो आहे. त्यांच्याकडे असणारी हुकूमशाही आणि म्हणून असणारी कामगारांची पिळवणूक हे मुद्दे त्याने मांडले. चायना को लाल आँखे दिखाना चाहीए वाले मोदीजी चीन भारतावर अतिक्रमण करत असताना चुपचाप बसले आहेत हे अख्खा देश उघड्या डोळ्यांनी पाहत आहे. तिथं राहूलने आता आंतरराष्ट्रीय पातळीवर हे मुद्दे मांडले आहेत. जगभरातील पत्रकार जी २० परिषदेसाठी आले आहेत. देशात घेत नाहीत ते ठीक पण इतर देशांच्या पत्रकारांशी मोदींना बोलता आलं असतं पण तिथंही त्यांनी ५६ इंची छाती दाखवली नाही ती पत्रकार परिषद टाळली.  हे झालं मोदी राहूलचं. आता देशातलं वातावरण पाहीलं तर जवान चित्रपट जोरदार हिट होत आहे. त्यात शाहरूख खानने कुणाविरूद्ध काय आवाज उठवला आहे हे चांगलंच सर्वांना माहीत आहे. शाहरुख खानची जवान वरून वाहवा होत आहे. देशभरात सिनेमा हाऊस फुल्ल आहे. पण त्यातील संदेश ही तरूण वर्ग गांभीर्याने घेत आहे हे महत्त्वाचं. शाहरुख खान ने मतदानाविषयी केलेलं भाष्य लोकांच्या दीर्घकाळ स्मृतीत राहणारं आहे.  देशभरात भाजपाविरोधी लाट मोठ्या प्रमाणात दिसून य
अधिक वाचा

पावसाचं आवाज कसा येतं

पाऊस पडालाय. पावसाचं आवाज कसा येतंय. च्किठच्कप्च असं मेणकागदावर पडल्यावर येतंय. मातीत पडलं की सूरवातीला आवाज येत नही, नंतर येतो. माती ही पोरांच्या डोक्यासारखी असते, पोरांचे डोके जास्त भिजते पोरींचं डोकं कमी. कमी डोकं म्हणजे कमी भिजतंय. कारण पोरींचे डोस्के नाही, केस लांबडे असतात, ऊतार असल्याने पाणी घसरून जातंय. पावूस डोक्यात जात नाही. आता वेणीतल्या एखाद्या केसाचे मूळ शोधणे हे कठीण काम. नवीन- ऋषीचे कूळ आणि वेणीतल्या केसाचे मूळ शोधू नये.  ऊसाच्या पाल्यासारखे मोकळे केस सोडणार्या  पोरी भारी दिसतात. व्हरायटी फक्त 86032सारखी पाहीजे. पोरींचा विचार करायला नको. पावसाचा आवाज. पावसाच्या ठेंबाचा आवाज. पिच्चरात दाखवतात तसं नसतं. पावसाची आई म्हणजे समूद्र, पावसाचा बाप म्हणजे सूर्य. पावसाची बहीण नदी, पावसाचा भाऊ वढा. असं यांच कुटूंब. ढग म्हणजे गर्भाशय. पाऊस नोकरीला शेतात जातो, बादगड संगतीने गटारीत जातो, संस्कार चांगले असतील तर गाय पावसाचे पाणी पिते. हे म्हणजे पुण्याई, गोमूत्र म्हणजे सुवर्णस्वर्ग. पावसाची आई बा काढायला नको. पावसाचा आवाज. पाऊस पाण्यात पडला की टुब्बुक अस आवाज येतंय. मग भाकर्या ऊठत जातात.
अधिक वाचा