आजचा धडा : वेळ वाया घालवू नये.

बुधवार पौष शुक्ल 4
आज बुधूवार आहे. वरती बुधवार लिवलं असलं तरी बुधुवार असं मी म्हणतो. उद्या ब्येसतरवार आहे. गेल्या वर्षी सहावीत असताना गुरूवार ला ब्येस्तरवार म्हणटलो तर सर म्हणटले शहाण्यासारखं वाग. काॅलरशिपच्या परिक्षेला बसलोय. घरातली म्हणत्यात आमचं पोरगं उशार हाय. शेजारची पण तसंच म्हणत्यात. शिल्पा माझ्यापेक्षा हूशार आहे. ती दूपारच्या सुट्टीत सुद्धा पुस्तक वाचत बसते. मला वाटतंय ती नाटकं करत्या. मूल्यशिक्षणचा पहिला तास होता. सर म्हणटले स्काॅलरशीपला बसल्यात तेवढेच वर्गात बसा आणि बाकिचे खेळायला जावा. पिंट्या आणि मह्यशा लगेच बोंबलत गेलीत. मी नवनीतचे गाईड काडून वाचत बसलो.
आज बुधूवार असल्याने बिगर ड्रेस यायचं असतंय. मी आज बिगर ड्रेस घालून आलोय.
आवळेकर मॅडम म्हणटल्या बाळा बिगर ड्रेस नव्हे बिगर युनिफाॅर्म.
पोरी कलर कपड्यातंच चांगल्या दिसतात. शाळेच्या कपड्यात बाद दिसतात.
माझं अभ्यासात ध्यान नही. कधी कधी मला शाळंला घोडा लावून शेती करावी वाटते. परवा नाना अंदाला म्हणत होता, आपल्यात शिकून मोठ्ठं झाल्याशिवाय कोण पोरगीच देत नाही.
तीनच्या बेलला डबा जेवलो. आप्प्याच्या घरला गेलो. येताना आवळा आणि चिचा पाडून आणलं दोघांनी. आप्या पोरिस्नी चिचा देतो आवळा देतो. आज मी पण दिलो. शिल्पा ला चिंचा दिलो. ती म्हणटली थँक्यु ! नंतर पोरींच्यात ती गेली. फावडी बंडी म्हणटली आहा गं तुला एकटीलाच काय सगळं. मग शिल्पानं सगळ्याना चिचा दिल्या.
शिल्पा चांगली आहे, ती मार्गशीष गुरूवारंच पुस्तक वाचत्या. बंडी फावडी आहे. कोकल्यांड सारखं तिचं त्वांड आहे. मला तिचा राग येतोय.
संध्याकाळला बोस्टन टी पार्टी ईतिहासच्या सरानं शिकवलं. माझं लक्ष नव्हतं. मी फुकन्या खात होतो. चार आणे ला चार येतात. सोळा होत्या. सगळ्या संपल्या दोन चोरून खायालतो तर सर म्हणटला काय कडबा खायालायसं का ? असं म्हणून मला बेंचवर ऊभं रहा म्हणटला. मी राहिलो. मास्तरड्या बाद आहे. मी हळूच पोरींच्यात बघितले. बंडी हसत होती. शिल्पा कधीतर चोरून बघत होती. फावडी मास्तरला गावली. मास्तरने तिला पण बेंचवर ऊभं केलं. ती बी खाली मान घालून बेंचवर ऊभी राह्यली. माझं आणि फावडीचं लगिन लागल्यागत वाटालंय. शिल्पाला ऊभं केलं असतं तर ?
पण ती ऊशार आहे. मरू दे तिकडं.
संध्याकाळी घरात आलो. दूध डेयरीला घालून आलो.
'माझा बाप अन मी' असं एक पूस्तक मी ग्रंथालयातनं घेवून आलो. ग्रंथपाल चांगला हाय. मला आदि ग्रंथपाल आडनावंच वाटायचे. पूस्तकातल्या जाधवांच्या घरी करडं हूती. आमच्यात गई आहे. ते मोठे झाले. करडापेक्षा गई मोट्टी असते. म्हणजे मी जाधवांपेक्षा मोट्टा हूईन.
अवांतर वाचन चांगले असते. असं हेडमास्तर म्हणटले.
अवांतर = आव आण तर !
मग फुडचं बघू. असं अशेल का ?
आज थंडी आहे. कालपण होती.
आजचा धडा : वेळ वाया घालवू नये.

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

ट्रकडायव्हरांचे काय चुकले?

इमेज
भारतातील प्रत्येक व्यक्तीबरोबर ट्रकचा कधी ना कधीतरी संबंध आलेला असतोच.  कोणतीतरी एखादी तरी वस्तू ट्रकमधूनच येते. ट्रकडायवर हा पेशा रिस्की असतो. घरातून पंधरा दिवस महिनाभर तो बाहेर असतो. आणि पगार म्हणाल तर त्याच्या मानाने अत्यल्प असतो.  घरापासून अनेक दिवस बाहेर असतो.  बाकीच्या तुमच्या हाफीसातील ड्युटीवर तुम्ही डुलकी मारू शकता, टंगळमंगळ करू शकता पण ड्रायवर हा पेशा असा आहे की तिथं सेकंदाच्या शंभराव्या भागाला सुद्धा अलर्ट राहावं लागतं.  अपघात हे अपघात असतात. जाणूनबुजून कुणालाही कुणी मारायचं धाडस करत नाही. नजरचुकीने अपघात घडतात त्याला पुर्वी दोन वर्षे शिक्षा होती.  आता अमितभाईंनी ती शिक्षा १० वर्षांवर नेली. मूळात अशी काही जरूरत नव्हती. ट्रकडायवर होणे हीच तशी एक मोठी शिक्षा आहे. त्यावर अमितभाईंनी आणलेला कायदा म्हणजे नरकात जन्माला एखादा जाणार असेल तर तो भारतात ट्रकडायवर होईल अशी परिस्थिती करून ठेवली आहे. ट्रकचा अपघात झाला की, पुढे असणारा वाहनधारक शक्यतो वाचत नाही तो मरतोच. मात्र अशावेळी मॉब असा काही खवळतो की ट्रकडायवरचा जीव घेऊनच तो शांत होतो.  त्यामुळे डायवरला तिथून पळून जाण्याशिवाय काही पर्य
अधिक वाचा

भाजपची उलटी गणती वेगाने सुरू झालेली आहे.

इमेज
राहूल गांधीची काल फ्रान्स मध्ये एका विद्यापीठात मुलाखत झाली. त्यात तो थेट चायनावर निशाणा साधतो आहे. त्यांच्याकडे असणारी हुकूमशाही आणि म्हणून असणारी कामगारांची पिळवणूक हे मुद्दे त्याने मांडले. चायना को लाल आँखे दिखाना चाहीए वाले मोदीजी चीन भारतावर अतिक्रमण करत असताना चुपचाप बसले आहेत हे अख्खा देश उघड्या डोळ्यांनी पाहत आहे. तिथं राहूलने आता आंतरराष्ट्रीय पातळीवर हे मुद्दे मांडले आहेत. जगभरातील पत्रकार जी २० परिषदेसाठी आले आहेत. देशात घेत नाहीत ते ठीक पण इतर देशांच्या पत्रकारांशी मोदींना बोलता आलं असतं पण तिथंही त्यांनी ५६ इंची छाती दाखवली नाही ती पत्रकार परिषद टाळली.  हे झालं मोदी राहूलचं. आता देशातलं वातावरण पाहीलं तर जवान चित्रपट जोरदार हिट होत आहे. त्यात शाहरूख खानने कुणाविरूद्ध काय आवाज उठवला आहे हे चांगलंच सर्वांना माहीत आहे. शाहरुख खानची जवान वरून वाहवा होत आहे. देशभरात सिनेमा हाऊस फुल्ल आहे. पण त्यातील संदेश ही तरूण वर्ग गांभीर्याने घेत आहे हे महत्त्वाचं. शाहरुख खान ने मतदानाविषयी केलेलं भाष्य लोकांच्या दीर्घकाळ स्मृतीत राहणारं आहे.  देशभरात भाजपाविरोधी लाट मोठ्या प्रमाणात दिसून य
अधिक वाचा

पावसाचं आवाज कसा येतं

पाऊस पडालाय. पावसाचं आवाज कसा येतंय. च्किठच्कप्च असं मेणकागदावर पडल्यावर येतंय. मातीत पडलं की सूरवातीला आवाज येत नही, नंतर येतो. माती ही पोरांच्या डोक्यासारखी असते, पोरांचे डोके जास्त भिजते पोरींचं डोकं कमी. कमी डोकं म्हणजे कमी भिजतंय. कारण पोरींचे डोस्के नाही, केस लांबडे असतात, ऊतार असल्याने पाणी घसरून जातंय. पावूस डोक्यात जात नाही. आता वेणीतल्या एखाद्या केसाचे मूळ शोधणे हे कठीण काम. नवीन- ऋषीचे कूळ आणि वेणीतल्या केसाचे मूळ शोधू नये.  ऊसाच्या पाल्यासारखे मोकळे केस सोडणार्या  पोरी भारी दिसतात. व्हरायटी फक्त 86032सारखी पाहीजे. पोरींचा विचार करायला नको. पावसाचा आवाज. पावसाच्या ठेंबाचा आवाज. पिच्चरात दाखवतात तसं नसतं. पावसाची आई म्हणजे समूद्र, पावसाचा बाप म्हणजे सूर्य. पावसाची बहीण नदी, पावसाचा भाऊ वढा. असं यांच कुटूंब. ढग म्हणजे गर्भाशय. पाऊस नोकरीला शेतात जातो, बादगड संगतीने गटारीत जातो, संस्कार चांगले असतील तर गाय पावसाचे पाणी पिते. हे म्हणजे पुण्याई, गोमूत्र म्हणजे सुवर्णस्वर्ग. पावसाची आई बा काढायला नको. पावसाचा आवाज. पाऊस पाण्यात पडला की टुब्बुक अस आवाज येतंय. मग भाकर्या ऊठत जातात.
अधिक वाचा