डोकं मेन काम करतंय. डोक्यावरची केसं ही झाडं वाटत्यात. झाडात दोन मुख्य प्रकार flowering plants आणि non flowering plants म्हणजेच सपुष्प आणि अपूष्प. सूरवातीला वाटायचं की अपूष्प झाडं हायीत केस. म्हणूनंच काय पोरी बायका केसात गजरा फूल घालत्यात. त्यावेळी वाटलं सपूष्प हायीत केसं. केस गवतासारखं असतात, किंवा स्पाईक केलं की देवदारच्या झाडागत ऊंचच ऊंच. कधी वेलीसारखं पसरलेलं. तर कधी झाडात झाड गूंतलेल (वेनी). नंतरनं विश्वास बसला ही झाडंच. ते ह्यामूळं. 
डोक्यात आपल्या पाणी मूरतंय. झाडं हायीत म्हणजे सच्छिद्र डोकं असतंय आपलं. त्यात आपन केसांची प्रचंड काळजी घेतोय. रोज डोक्यावरून अंघोळ, शांपू, कंडीशनर ने केसं धूतो. त्यावर रोग येतोयचं उवा (वा) वाढत असत्यात आपल्या केसांच्या जीवावर. जसं ऊसावर लोकरी मावा पडतोय. ह्या किडीला ऊपाय म्हणून आपन आपन अँटीडँडरफ (अँटी आपल्याला अलिकडं खूप आवडतंय) लावतो किंवा स्प्रे करतो. ते काही केसांना सहन होतंय काहीना नाही. मग डोक्यात तांबेरा पडल्यागत, मॅगनेशीम कमी पडल्यावर ऊसं कुठं कुठं फटफटीत दिसत्यात तसं केसं पण दिसू लागत्यात. मग एक उपसून काढलं की दहा तयार अशी भानगड. 
केसं झाडंच हायीत. झाडांच्या मूळाशी पाणी असतंच. ते कुठनं येतय ? 
आपन पाणी पितोय, बिसलंरीच चिल्ड चिल्ड मागून पितो. तरी आपल्याला गरमागरम चहा, कांदाभजी लागतंय. ते आपन खाल्लं की पिलेल्या पाण्याचं वाफ होवून नरड्याथ्रु-नाकाथ्रु जावून डोक्याला बडवतं. डोक्यात वरच्या झाडांची मूळं गारवा पकडून असतात. तिथं जावून हे वाफ बडवलं की परत त्याचं पाणी हूतंय. तूम्ही डोक्याचं स्केलटन बघितलं तर ते ढगासारखं दिसतंय. त्या ढगात हे वाफेचं पाणी साठतंय. माणूस विचार डोक्यानं करतोय. कधी तर आपन सगळे कुठल्यातर भावनेत गूतलेलो असतो. अनेक विचार झाली की ढगाला ढग बडवून तेच पाणी आपल्या डोळ्यातंन येतंय. हाच तो चिंब भिजवणारा पाऊस. अअअअअअअअअ असं कंटीन्यू रडतो त्यावेळी ते रडू गळून येवून तोंडात गेलं असेल त्याची चव तुमी घेतली असेल. आणि पावसाचं पाणीही पेलेलं असंल तर तीच चव. तीच चव. असते. 
अवकाळी पाऊस हा शिंक असतो. गारा ही सर्दी असते. गारपिट सारखं गारा आपन भिंतीवर आदळतो. 
खरंच ती वाफ असते, असंच होतंय. कधीतर बघा हिवाळ्यात काचंवर फूंकून. 
आता पावूस पडत नाही. वृक्षतोड झालीय. 
कधीकधी वाटतंय आपल्या जगाच्यावर एक जग असेल. तिथं लै झाडं असतील. 
अश्रु आणि पाऊस किमती. कृत्रीम अश्रु गाळायला प्रचंड भावनीक खर्च आणि कृत्रीम पाऊस पाडायला प्रचंड आर्थिक खर्च येतोय. तरी अश्रु गळतील काय ? पाऊस पडेल काय ? 
सांगता येत नाही. smile emoticon

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

ट्रकडायव्हरांचे काय चुकले?

इमेज
भारतातील प्रत्येक व्यक्तीबरोबर ट्रकचा कधी ना कधीतरी संबंध आलेला असतोच.  कोणतीतरी एखादी तरी वस्तू ट्रकमधूनच येते. ट्रकडायवर हा पेशा रिस्की असतो. घरातून पंधरा दिवस महिनाभर तो बाहेर असतो. आणि पगार म्हणाल तर त्याच्या मानाने अत्यल्प असतो.  घरापासून अनेक दिवस बाहेर असतो.  बाकीच्या तुमच्या हाफीसातील ड्युटीवर तुम्ही डुलकी मारू शकता, टंगळमंगळ करू शकता पण ड्रायवर हा पेशा असा आहे की तिथं सेकंदाच्या शंभराव्या भागाला सुद्धा अलर्ट राहावं लागतं.  अपघात हे अपघात असतात. जाणूनबुजून कुणालाही कुणी मारायचं धाडस करत नाही. नजरचुकीने अपघात घडतात त्याला पुर्वी दोन वर्षे शिक्षा होती.  आता अमितभाईंनी ती शिक्षा १० वर्षांवर नेली. मूळात अशी काही जरूरत नव्हती. ट्रकडायवर होणे हीच तशी एक मोठी शिक्षा आहे. त्यावर अमितभाईंनी आणलेला कायदा म्हणजे नरकात जन्माला एखादा जाणार असेल तर तो भारतात ट्रकडायवर होईल अशी परिस्थिती करून ठेवली आहे. ट्रकचा अपघात झाला की, पुढे असणारा वाहनधारक शक्यतो वाचत नाही तो मरतोच. मात्र अशावेळी मॉब असा काही खवळतो की ट्रकडायवरचा जीव घेऊनच तो शांत होतो.  त्यामुळे डायवरला तिथून पळून जाण्याशिवाय काही पर्य
अधिक वाचा

भाजपची उलटी गणती वेगाने सुरू झालेली आहे.

इमेज
राहूल गांधीची काल फ्रान्स मध्ये एका विद्यापीठात मुलाखत झाली. त्यात तो थेट चायनावर निशाणा साधतो आहे. त्यांच्याकडे असणारी हुकूमशाही आणि म्हणून असणारी कामगारांची पिळवणूक हे मुद्दे त्याने मांडले. चायना को लाल आँखे दिखाना चाहीए वाले मोदीजी चीन भारतावर अतिक्रमण करत असताना चुपचाप बसले आहेत हे अख्खा देश उघड्या डोळ्यांनी पाहत आहे. तिथं राहूलने आता आंतरराष्ट्रीय पातळीवर हे मुद्दे मांडले आहेत. जगभरातील पत्रकार जी २० परिषदेसाठी आले आहेत. देशात घेत नाहीत ते ठीक पण इतर देशांच्या पत्रकारांशी मोदींना बोलता आलं असतं पण तिथंही त्यांनी ५६ इंची छाती दाखवली नाही ती पत्रकार परिषद टाळली.  हे झालं मोदी राहूलचं. आता देशातलं वातावरण पाहीलं तर जवान चित्रपट जोरदार हिट होत आहे. त्यात शाहरूख खानने कुणाविरूद्ध काय आवाज उठवला आहे हे चांगलंच सर्वांना माहीत आहे. शाहरुख खानची जवान वरून वाहवा होत आहे. देशभरात सिनेमा हाऊस फुल्ल आहे. पण त्यातील संदेश ही तरूण वर्ग गांभीर्याने घेत आहे हे महत्त्वाचं. शाहरुख खान ने मतदानाविषयी केलेलं भाष्य लोकांच्या दीर्घकाळ स्मृतीत राहणारं आहे.  देशभरात भाजपाविरोधी लाट मोठ्या प्रमाणात दिसून य
अधिक वाचा

पावसाचं आवाज कसा येतं

पाऊस पडालाय. पावसाचं आवाज कसा येतंय. च्किठच्कप्च असं मेणकागदावर पडल्यावर येतंय. मातीत पडलं की सूरवातीला आवाज येत नही, नंतर येतो. माती ही पोरांच्या डोक्यासारखी असते, पोरांचे डोके जास्त भिजते पोरींचं डोकं कमी. कमी डोकं म्हणजे कमी भिजतंय. कारण पोरींचे डोस्के नाही, केस लांबडे असतात, ऊतार असल्याने पाणी घसरून जातंय. पावूस डोक्यात जात नाही. आता वेणीतल्या एखाद्या केसाचे मूळ शोधणे हे कठीण काम. नवीन- ऋषीचे कूळ आणि वेणीतल्या केसाचे मूळ शोधू नये.  ऊसाच्या पाल्यासारखे मोकळे केस सोडणार्या  पोरी भारी दिसतात. व्हरायटी फक्त 86032सारखी पाहीजे. पोरींचा विचार करायला नको. पावसाचा आवाज. पावसाच्या ठेंबाचा आवाज. पिच्चरात दाखवतात तसं नसतं. पावसाची आई म्हणजे समूद्र, पावसाचा बाप म्हणजे सूर्य. पावसाची बहीण नदी, पावसाचा भाऊ वढा. असं यांच कुटूंब. ढग म्हणजे गर्भाशय. पाऊस नोकरीला शेतात जातो, बादगड संगतीने गटारीत जातो, संस्कार चांगले असतील तर गाय पावसाचे पाणी पिते. हे म्हणजे पुण्याई, गोमूत्र म्हणजे सुवर्णस्वर्ग. पावसाची आई बा काढायला नको. पावसाचा आवाज. पाऊस पाण्यात पडला की टुब्बुक अस आवाज येतंय. मग भाकर्या ऊठत जातात.
अधिक वाचा